Cəlilabadda “KamAZ”la “NAZ Lifan” toqquşub: ölən var

Cəlilabad rayonunda ölümlə nəticələnən ağır yol-nəqliyyat hadisəsi baş verib.

1news.az-ın Daxili İşlər Nazirliyinə istinadən verdiyi xəbərə görə, hadisə dünən saat 22:00 radələrində qeydə alınıb.

Belə ki, Cəlilabad şəhərində Lənkəran rayon sakini Rasim Həsənovun idarə etdiyi “KamAZ” və Göytəpə şəhər sakini Mirmehman Mürsəlovun idarə etdiyi “NAZ Lifan” markalı avtomobillər toqquşub, nəticədə M.Mürsəlov hadisə yerində ölüb.

Faktla bağlı Baş Dövlət Yol Polisi İdarəsi tərəfindən araşdırma aparılır.

1news.az