Düzəlişlər nəticəsində lisenziyaların verilməsi asanlaşacaq

“Lisenziyalar və icazələr haqqında” qanunlayihəsinə edilən dəyişikliklər  lisenzilayarın verilməsi formasını asanlaşdıracaq.

Bunu Milli Məclisdə “Lisenziyalar və icazələr haqqında” qanun layihəsinin müzakirələri zamanı MM-in iqtisadi qanunvericilik şöbəsinin müdiri Rauf Hacıyev bidirib.

Onun sözlərinə görə ikinci oxunuşdan fərqli olaraq bu düzəlişdə lisenziya alınması proseduru bütünlüklə öz əksini tapıb.

“Bu qanunlayihəsi ilə tanış olan hər bir sahibkar lisenziya almaq üçün hansı addımlar atmalı olduğunu öyrənir”, - o deyib.

R.Hacıyev qeyd edib ki, qanunlayihəsində,həmçinin, sahibkara icra hakimiyyətinin müvafiq prqanı tərəfindən lisenziyanın verilmə tarixi də müəyyən olunub.

“Müəyyən olunan müddətdə lisenziyanın verilməməsi halında, sahibkar onu avtomatik olaraq alacaq”,- o deyib.

Rauf Hacıyev qeyd edib ki, dəyişiklikdə öz əksini tapan  məsələlərdən biri də, “Elektron lisenziya” portalının yaradılmasıdır.

“Qanunlayihəsinə edilən dəyişikliyə görə məmur və sahibkar arasında hər-hansı əlaqə aradan qaldırılır. Lisenziya almaq istəyən şəxs “Elektron liseziya”portalına daxil olub şəxsi kabinetini aça bilər. Bu halda lisenziya sahibkara xüsusi kod şəklində veriləcək ki, ehtiyac olduğu zaman sahibkar həmin kodu müvafiq dövlət strukturuna təqdim edə bilər”, - o, deyib.  

Hacıyev həmçinin bildirib ki, dəyişiklik nəticəsində, evvəlki qanunlayihəsindən fərqli olaraq icazələrin sayı azalıb.

MM-in iqtisadi siyasət, sənaye və sahibkarlıq komitəsinin sədri Ziyad Səmədzadə qeyd edib ki, bu qanunlayihəsi mühüm əhəmiyyət kəsb edir.

“Yeni iqtisadi şəraitdə islahatların davam etdirilməsi Azərbaycanın iqtisadi inkişafı üçün yeni imkanlar açır”, - o, deyib.

Qeyd edə ki, “Lisenziyalar və icazələr haqqında” qanunlayihəsi ikinici oxunuşda 23 fevral 2015-ci il tarixində qəbul olunub.

1news.az