ABŞ səfiri Qubadlı rayonundan olan məcburi köçkünlərlə görüşüb

ABŞ-ın Azərbaycandakı səfiri Robert Sekuta xanımı ilə birgə Sumqayıtda Qubadlı rayonundan olan məcburi köçkünlərin təhsil aldığı orta məktəbi ziyarət edib.

1news.az-ın APA-ya istinadla verdiyi xəbərə görə, məktəb ABŞ-ın Avropa Komandanlığı tərəfindən bərpa edilib.

“Bu,Azərbaycan xalqına, o cümlədən, məcburi köçkünlərə dəstək üçün ABŞ-ın illər ərzində maliyyələşdirdiyi bir çox layihədən biridir. Səfir Sekuta Qubadlı rayonunun məcburi köçkünləri ilə sülh yolunun nizamlanmasına dair davam edən səyləri müzakirə edib”, - deyə məlumatda qeyd olunub.

1news.az