Latviyanın sabiq prezidentləri Bakıya gələcək
Latviya Respublikasının sabiq prezidentləri Vaira Vike-Frayberqa və Valdis Zatlers IV Qlobal Bakı Forumunda iştirak etmək üçün Bakıya səfərə gələcək.
1news.az-ın məlumatına görə, martın 10-11-də Bakıda Diasporla İş üzrə Dövlət Komitəsinin dəstəyi, Nizami Gəncəvi Beynəlxalq Mərkəzinin təşkilatçılığı ilə keçiriləcək forumun mövzusu “Çoxqütblü dünyaya doğru”dur.
Qeyd edək ki, Vaira Vike-Frayberqa Nizami Gəncəvi Beynəlxalq Mərkəzinin həmsədridir. 1999-2007-ci illər ərzində iki dəfə Latviya Respublikasının prezidenti seçilən Vaira Vike-Frayberqa 2013, 2014, 2015-ci illərdə Qlobal Bakı Forumlarında iştirak edib. Bundan başqa Qlobal Forumlara hazırlıq məqsədi ilə keçirilən hazırlıq görüşlərinə qatılıb.
Nizami Gəncəvi Beynəlxalq Mərkəzinin üzvü Valdes Zatler isə 2007-2011-ci illərdə Latviya Respublikasına rəhbərlik edib. Sabiq Prezident ötən il ölkəmizdə keçirilmiş III Qlobal Bakı Forumunda iştirak edib.
1news.az
