Səngəçal dəmir yolu stansiyasından oğurluq edən şəxs saxlanılıb

Polis əməkdaşları Səngəçal dəmir yolu stansiyasından oğurluq edən şəxsi saxlayıblar.

1news.az-ın verdiyi xəbərə görə, bu barədə Daxili İşlər Nazirliyindən məlumat veriblər.

Məlumata görə, martın 3-də Bakı şəhər sakini Sakit Vəliyev Səngəçal dəmir yolu stansiyasındakı anbardan dəmir yoluna aid avadanlıqları oğurlayaraq paytaxt sakini Zamin Əhmədzadənin idarə etdiyi “QAZel” markalı avtomobilə yükləyib hadisə yerini tərk edərkən Qaradağ polisi tərəfindən saxlanılıb.

1news.az