Avtobusda cibgirlik edən kişi və qadın tutulub

Bakıda cibgirliklə məşğul olan kişi və qadın tutulub.

1news.az “Report”a istinadən xəbər verir ki, bu barədə Bakı Şəhər Baş Polis İdarəsinin (BŞBPİ) mətbuat xidmətindən məlumat verilib.

BŞBPİ Cinayət Axtarış İdarəsi əməkdaşlarının keçirdiyi əməliyyat-axtarış tədbirləri nəticəsində, yanvarın 27-də 85 saylı xətt avtobusunda Bakı şəhər sakini Səbinə Əliyevanın əl çantasından mobil telefonu cibgirlik yolu ilə oğurlamaqda şübhəli bilinən Bakı şəhər sakini, 1996-cı il təvəllüdlü Ləman Əlizadə və Abşeron rayon sakini, 1994-cü il təvəllüdlü Elgün Azayev tutulub. Şübhəli şəxslər barəsində Nəsimi Rayon Polis İdarəsinin istintaq şöbəsində cinayət işi açılıb, araşdırmalar davam etdirilir.

1news.az