Fevralda Rabitə və Yüksək Texnologiyalar Nazirliyinin elektron xidmətlərindən 276 min müraciət olub

Fevralda “Elektron hökumət” portalı (www.e-gov.az) vasitəsilə ən çox Rabitə və Yüksək Texnologiyalar Nazirliyinin (RYTN) elektron xidmətlərindən istifadə edilib.

RYTN-in Məlumat Hesablama Mərkəzinin məlumatına görə, ötən ay portal istifadəçiləri nazirliyin e-xidmətlərindən 275 min 959 dəfə faydalanıblar.

Nazirlikdən AZƏRTAC-a bildiriblər ki, bu müddətdə RYTN-in ən aktual e-xidmətləri “Mobil nömrə daşınması xidməti vasitəsilə digər şəbəkəyə daşınmış nömrələr barədə məlumatın verilməsi” və “Telefon nömrəsi üzrə axtarış” xidmətləri olub. Bu xidmətlərə müvafiq olaraq 84 min 954 və 66 min 657 dəfə müraciət edilib.

“Elektron hökumət” portalına RYTN-in 35 elektron xidməti inteqrasiya edilib.