İtaliya səfiri: “Mədəniyyət Azərbaycan və İtaliyanı birləşdirən faktorlardan biridir”

İtaliya və Azərbaycan strateji əməkdaşlıq səviyyəsinə çatıb, xüsusilə bu energetika və mədəniyyət sahəsində təzahür edir.

Lakin mədəni əlaqə mühüm əlaqələndirici bağ olaraq qalmaqdadır.

1news.az xəbər verir ki, bunu İtaliyanın Azərbaycandakı səfiri Canpaolo Kutillo İtaliya və Azərbaycan arasında birgə keçiriləcək yeni tvinninq –layihənin açılışı zamanı bildirib.

İki il davam edəcək layihə çərçivəsində Azərbaycanda mədəniyyət sahəsində idarəetmə sisteminin modernləşdirilməsi işləri nəzərdə tutulur. Avropa İttifaqı tərəfindən maliyyələşdirilən layihənin büdcəsi 7 milyon avdodur.

“İtaliya və Azərbaycan arasında ortaq çəhətlər çoxdur. İtaliya Aralıq dənizinin mərkəzi, Azərbaycan isə Qafqazın mərkəzidir. Bizi birləşdirən dəyərlər üzərində yarada biləcəyimiz çox şey vardır”,-deyə Canpaolo Kutillo, bildirib ki, mədəniyyət sahəsində effektiv idarəetmə bu sahədə mühüm işlərdən biridir.

Səfir həmçinin, Romada tarixi abidələrin bərpası üçün Azərbaycanın nümayiş etdirdiyi səyləri yüksək qiymətləndirib.

1news.az