“NİDA” fəallarının, eləcə də siyasi partiyaların üzvlərinin adı Prezidentin əfv sərəncamında yer alıb – TAM SİYAHI
Humanizm və ədalət prinsiplərini rəhbər tutaraq məhkum olunmuş bir sıra şəxslərin, onların ailə üzvlərinin, insan hüquqları üzrə müvəkkilin, insan hüquqlarının müdafiəsi təşkilatlarının dövlət başçısına ünvanlanmış əfv haqqında müraciətlərini nəzərə alaraq Azərbaycan Respublikasının Prezidenti 17 mart 2016-cı ildə 148 məhkumun əfv edilməsilə bağlı sərəncam imzalayıb. Bu şəxslərdən 137 nəfəri cəzasının çəkilməmiş hissəsindən, 6 nəfər islah işləri, 5 nəfəri isə cərimələrin ödənilməsindən azad ediliblər.
1news.az-ın verdiyi xəbərə görə, əlavə olaraq qeyd edək ki, əfv olunan şəxslərdən 16 nəfəri xarici vətəndaşlardır və onlar ölkədən deportasiya olunub.
Əfv haqqında qərar qəbul edilərkən məhkumların şəxsiyyəti, səhhəti, ailə vəziyyəti və cəza çəkdikləri müddətdə davranışları da nəzərə alınıb. Əfv olunanlara daxil olan 14 nəfərin ərizəsi insan hüquqları təşkilatları tərəfindən irəli sürülüb:
- Akif Muradverdiyev,
- Rəşadət Axundov “NİDA” hərəkatının üzvü,
- Məmməd Əzizov,
- Rəşad Həsənov,
- Ömər Məmmədov,
- Rəsul Cəfərov,
- Anar Məmmədli,
- Taleh Xasməmmədov,
- jurnalistlər:Pərviz Həşimli və Hilal Məmmədov,
- siyasi partiyaların üzvləri: Sirac Kərimli, Nemət Pənahlı,Tofiq Yaqublu və Yadigar Sadıqov.
Sərəncam imzalandığı gündən qüvvəyə minir.
Tam siyahı ilə bu linkdən tanış olmaq olar.
1news.az
