Məktəblilər Müdafiə Nazirliyinin hərbi hissələrində xidmət edən əsgər və zabitlərlə görüşlər keçirib - FOTO

Novruz bayramı ərəfəsində respublikanın müxtəlif məktəblərinin şagirdləri Müdafiə Nazirliyinin bir sıra hərbi hissələrində xidmət edən əsgər və zabitlərlə görüşüblər.

Müdafiə Nazirliyinin mətbuat xidmətindən AZƏRTAC-a bildiriblər ki, hərbi hissələrdə əsgərlərimizin məişət şəraiti ilə tanış olan məktəblilərə şəxsi heyətin xidməti və döyüş hazırlığı barədə ətraflı məlumat verilib.

Bayram sevinclərini əsgər və zabitlərlə bölüşən məktəblilər onlara təbrik və xoş arzularını çatdırıb, Novruz xonçaları təqdim ediblər.