Bakıda ağır yol qəzası nəticəsində sürücü avtomobildə yanaraq ölüb
Ötən gecə Bakıda ağır yol qəzası nəticəsində sürücü avtomobildə yanaraq ölüb.
1news.az-a Fövqəladə Hallar Nazirliyindən bildiriblər ki, Bakı şəhəri, Xətai rayonunda "Chevrolet” markalı minik avtomobilin yol kənarındakı divara çırpılması nəticəsində yanğın hadisəsi baş vermişdir.
Fövqəladə Hallar Nazirliyinin Dövlət Yanğından Mühafizə Xidmətinin yanğınsöndürənləri və Xüsusi Riskli Xilasetmə Xidmətinin xilasediciləri hadisə yerinə cəlb olunmuşdur.
Yanğınsöndürənlər və xilasedicilər qəza nəticəsində baş vermiş yanğını söndürmüş, deformasiyaya uğramış minik avtomobilində sıxılmış vəziyyətdə qalmış 1988-ci il təvəllüdlü Əhmədov Nicat Mehrab oğlunun yanmış cəsədini çıxararaq aidiyyəti üzrə təhvil vermişlər. Əməliyyat saat 03:39-da başa çatmışdır.
1news.az
