Eldar Mahmudov hətta atasının şərəfinə büst qoymuş qohumunu da qarət edibmiş - FOTO

1news.az-a məlum olduğu kimi, Baş Prokurorluğasabiq milli təhlükəsizlik naziri Eldar Mahmudov və onun yaxınlarının hərəkətlərilə bağlı növbəti şikayət daxil olub.

Budəfəki şikayət eks-nazirin uzaq qohumu Hicran Seyidov adlı vətəndaşdan gəlib.

H.Seyodov şikayətində qeyd edir ki, E.Mahmudov atası Əhməd Mahmudovun şərəfinə onun qardaşı Elşad Seyidova Şərur rayonunda lisey binasının tikintisini həvalə edir.

Həmçinin lisey binasının qarşısında E.Mahmudovun atasına büst də qoyulur. Daha sonra, 2015-ci ilin oktyabrın 29-da büstün açılış mərasimi də baş tutur.

E.Seyidov liseyin tikintisinə 2 milyon manat xərcləyir. Tikinti ilə əlaqədar o, pul almadığı üçün özünə və yaxınlarına məxsus daşınmaz əmlakı satmaq məcburiyyətində qalır.

Bundan əlavə, E.Seyidov tərəfindən Azərbaycandakı bankların birində evinin girov qoyulması qarşılığında kredit ayrılır.

Lakin E.Mahmudov E.Seyidova gördüyü iş müqabilində yalnız 430 min manat verir. Tikintiyə sərf edilən pulun qalan hissəsini (1 milyon 570 min) ödəməkdən imtina edir.

Seyidov qardaşlarının sərf etdikləri pulları geri almaq cəhdləri heç bir nəticə vermir. Belə ki, E.Mahmudovun qohumlarından biri – Musa Mahmudov (“Karkas” ASC-nin rəhbəri) Seyidov qardaşlarına “hələ siz yaxşı qurtarmısınız”, deyə bildirir.

M.Mahmudovun sözlərinə görə, öz pullarını tələb edən bir biznesmenə qarşı E.Mahmudov çox qəddar davranıb: onun bütün əmlakını ələ keçirib və həmin şəxsdə məcbur olaraq xaricə qaçıb ki, sonradan da oradan qayıtmağa qorxub.

Mövzu ilə əlaqədar oxuyun:

Eldar Mahmudov “Ağ ləpələr” üzərində: keçmiş nazir haqqında yeni faktlar

Zərərçəkənin qeyd etdiyi kimi, E.Mahmudov özünü həddindən artıq lovğa, xəsis və acgöz iştahalı insan kimi aparırdı.

Hazırkı faktların araşdırılması müstəsna istintaq hüququdur. Lakin zərərçəkənlər ümid edir ki, onlar tez bir zamanda itirilmiş əmlaklarını geri ala biləcəklər.

1news.az