Mülk və maddi vəsait üzərində vərəsəlik hüququ olanlara yeni status veriləcək

Azərbaycanda kommersiya və maddi vəsait üzərində vərəsəlik hüququna malik olanlara yeni status, eyni zamanda bununla bağlı notariata yeni səlahiyyətlər veriləcək.

1news.az APA-ya istinadən xəbər verir ki, Milli Məclisdən verilən məlumata görə, bununla bağlı “Hüquqi şəxslərin dövlət qeydiyyatı və dövlət reyestri haqqında” qanuna 15.9.5-1 və 15.9.6-1 maddələri əlavə edilir. Kommersiya hüquqi şəxslərin təsisçiləri (iştirakçıları) və onların nizamnamə kapitalındakı payları barədə məlumatlar sorğu əsasında 15.9.5-1 maddəyə görə notariusa və 15.9.6-1 maddəyə görə isə təsisçilərin (iştirakçıların ) vərəsələrinə verilə biləcək.

Layihə Milli Məclisin plenar iclasına tövsiyə olunub və aprelin 5-də müzakirəyə çıxarılacaq.

1news.az