Türkiyə xüsusi xidmət orqanları Azərbaycanda terror aktını planlaşdıran İŞİD üzvünün şəxsiyyətini müəyyənləşdirib - FOTO
Türkiyənin xüsusi xidmət orqanları İŞİD qruplaşmasının üzvü olan və Azərbaycanda terror aktı həyata keçirməyi planlaşdlran 5 nəfərin terrorçu kamekadzenin şəxsiyyətini müəyyən edib. Onların fotosu müvafiq orqanlara göndərilib.
HaberTürk- ün məlumatına görə terrorçulardan biri Rusiya vətəndaşı olan azərbaycanlı İsa Tupolov idi. Hazırda o Suriyanın Rai bölgəsindədir.Türkiyə və Azərbaycanda terror aktı törətməyi planlaşdırır.
Digər terrorçu ABŞ vətəndaşı Əbu Ayman Ət- Məğribi (sağdakı foto)- 32 YAŞLI TERRORÇUNUN KOD ADI Darvan əl- Haymardır. Arvadı Xədicə Nejat və 2 uşağı ilə Türkiyəyə gəlib. In təhlükəsizlik qüvvələri tərəfindən axtarılır.
Terrorçu Rəşid Əlabdulla Əlqaaqan (35 yaş) Sultanahmeddə partlayış törədən terrorçu kamekadze Nabil Fadilin dostudur. O, saxta sənədlər hazırlayaraq Türkiyəyə gəlmək niyyətindədir.
Bundan əlavə xüsusi xidmət orqanlarına məlum olub ki, terrorçulardan biri yetkinlik yaşına çatmayan şəxsdir. Furkan Ürkmez adlanan bu şəxs martın 6-da Türkiyəyə gəlib. Belə şübhələr var ki, onu canlı bomba kimi istifadə edə bilərlər. Terror aktı törətmək niyyətində olan Həsən Hüseyn Uğur ( soldakı foto) arvadına yazdığı sms-da yazıb: “İndi onların şəhid olmaq zamanı çatıb”.
Planlaşdırılan terror aktları ilə bağlı bu məlumatı şərh etməsi üçün 1news.az Azərbaycan Dövlət Təhlükəsizlik Xidmətinə (ADTX) müraciət edib.
ADTX-nin İctimaiyyətlə əlaqələr mərkəzinin rəhbəri Arif Babayev 1news.az-a bildirib ki, Dövlət Təhlükəsizlik Xidməti İŞİD üzvü olan Rusiya vətəndaşı İsa Tupolovun Türkiyədə və Azərbaycanda törətmək istədiyi terrorla bağlı araşdırma aparılır.
“Milli təhlükəsizlik və Milli maraqlara qarşı yönələn istənilən təhdidlərə qarşı Dövlət Təhlükəsizlik Xidməti digət hüquq-mühafizə strukturları ilə birlikdə vacib profilaktik tədbirlər həyata keçirir.
“Operativ vəziyyət nəzarət altındadır. Ölkədə vətəndaşların təhlükəsizliyini təmin etmək üçün mütəmadi tədbirlər görülür”, - deyən Arif Babayev narahatlığa əsas olmadığını bildirib.
1news.az
