Neftçala və Qəbələ rayonlarının daha 3 kəndinə təbii qaz verilib

Aprelin 20-də Neftçala rayonunun Xol Qaraqaşlı, Qəbələ rayonunun Corlu və Mirzəbəyli kəndlərinə təbii qazın verilməsi münasibəti ilə tədbirlər keçirilib.

1news.az-ın məlumatına görə, tədbirlərdə rayon icra hakimiyyətlərinin və “Azəriqaz” İstehsalat Birliyinin təmsilçiləri, ictimaiyyət nümayəndələri iştirak ediblər.

Neftçala rayonunun Xol Qaraqaşlı kəndinə yenidən təbii qazın verilməsi münasibəti ilə bağlı keçirilmiş tədbirdə bildirilib ki, 380 abonenti olan kəndin qazlaşdırılması üçün birpilləli sistem əsasında 35 760 metr uzunluğunda müxtəlif diametrli metal borularla daşıyıcı və məhəllədaxili qaz xətləri çəkilib, hər bir abonent üçün sayğac və fərdi tənzimləyici quraşdırılıb. 

Qəbələ rayonunun Corlu və Mirzəbəyli kəndlərində keçirilmiş tədbirdə isə qeyd olunub ki, 621 abonenti olan kəndlərin ilk dəfə qazlaşdırılması məqsədi ilə birpilləli sistem əsasında ümumi uzunluğu 57890 metr uzunluğunda borularla qaz xətləri çəkilib, abonentlərin mənzillərində sayğac və fərdi tənzimləyici quraşdırılıb. 

1news.az