İmişlidə iki velosipedçini maşın vurub, onlardan biri ölüb

İmişli rayonunda ölümlə nəticələnən yol-nəqliyyat hadisəsi baş verib.

1news.az-ın Daxili İşlər Nazirliyinə istinadən verdiyi xəbərə görə, hadisə dünən saat 01:00 radələrində rayonun Qaragüvəndikli kəndində qeydə alınıb.

Belə ki, kənd sakini Şahid Əliyev idarə etdiyi “VAZ-21011” markalı avtomobillə velosipedlə hərəkətdə olan həmyerliləri Ağabala Gülmalıyevi və Xaləddin Nuriyevi vurub. Hər iki velosipedçi xəstəxanaya yerləşdirilib, A.Gülmalıyev isə orada ölüb.

Faktla bağlı Baş Dövlət Yol Polisi İdarəsi tərəfindən araşdırma aparılır.

1news.az