Velosiped oğrusunun evindən 28 ədəd velosiped tapıldı

Bakıda vətəndaşların velosipedlərini oğurlayan şəxs saxlanılıb.

1news.az xəbər verir ki, bu barədə Daxili İşlər Nazirliyindən məlumat veriblər.

Məlumata görə, Səbail Rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində ötən il iyunun 6-dan oktyabrın 19-dək olan müddətdə 3 paytaxt sakininə məxsus velosipedləri oğurlamış Bakı şəhər sakini, əvvəllər məhkum olunmuş Eldar Ələsgərov tutulub.

Onun evinə baxış zamanı 28 ədəd velosiped aşkar edilərək maddi sübut kimi götürülüb.

1news.az