Qobustanda iki “VAZ” avtomobili toqquşub

Qobustan rayonu ərazisində ağır yol-nəqliyyat hadisəsi baş verib.

1news.az-ın məlumatına görə, Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə Bakı-Şamaxı-Yevlax yolunun 90-cı kilometrliyində, Qobustan rayonu ərazisində iki “VAZ” markalı minik avtomobilinin toqquşması barədə məlumat daxil olub.

Nəticədə, sürücülərdən biri xəsarət alıb və deformasiyaya uğramış avtomobildə sıxılmış vəziyyətdə qalıb.

FHN-in yanğınsöndürən-xilasediciləri hadisə yerinə cəlb olunaraq vətəndaşı avtomobildən çıxarıb və aidiyyəti üzrə təhvil veriblər.

1news.az