Ümummilli lider Heydər Əliyevin doğum gününə həsr olunmuş "Unudulmaz" sənədli filminin təqdimatı keçirilib - FOTO
Mayın 10-da Nizami Kino Mərkəzində ümummilli lider Heydər Əliyevin doğum gününün 93-cü ildönümü münasibətilə “LIDER” televiziyasının çəkdiyi "Unudulmaz" sənədli filminin təqdimat mərasimi keçirilib.
“Unudulmaz” filmi mərhum prezidentin Amerika Birləşmiş Ştatlarının Klivlend şəhərində olduğu günlərə həsr edilib. Azərbaycan tamaşaçısının indiyədək izləmədiyi, eşitmədiyi maraqlı məqamlarla zəngin olan bu filmdə ulu öndərin həkimlərindən özəl müsahibələr və digər maraqlı məqamlar yer alıb.
Təqdimat mərasiminə Yeni Azərbaycan Partiyasının rəsmi nümayəndələri, “LİDER” televiziyasının rəhbərliyi, Milli Məclisin deputatları, Bakı şəhər Mədəniyyət və Turizm İdarəsinin əməkdaşları filmin yaradıcı heyəti və digər qonaqlar dəvət olunub.
Jurnalist Elnur Niftəliyevin müəllifi olduğu bu filmdə Azərbaycan tamaşaçısı Heydər Əliyevin həyatındakı Klivlend səhifəsi ilə tanış olub.
1news.az
