Bakı sakinlərindən 2 kiloqramdan artıq heroin götürülüb

Bakı şəhərinin sakini olan iki şəxsdən 2 kiloqramdan artıq narkotik maddə götürülüb.

1news.az xəbər verir ki, bu barədə Daxili İşlər Nazirliyindən məlumat veriblər.

Məlumata görə, Bakı Şəhər Baş Polis İdarəsinin Narkotiklə Mübarizə İdarəsi, Nəsimi və Nizami polislərinin həyata keçirdikləri əməliyyat-axtarış tədbirləri nəticəsində Nəsimi rayonu ərazisində Qiyas İbrahimovdan 2,607 qram heroin, yaşadığı mənzilə baxış zamanı isə əlavə olaraq 1 kiloqram 10 qram heroin aşkar edilərək götürülüb.

Bundan başqa Bakı Şəhər Baş Polis İdarəsinin Narkotiklə Mübarizə İdarəsinin Sabunçu polisi ilə birgə keçirdiyi əməliyyat-axtarış tədbirləri nəticəsində Sabunçu qəsəbə sakini Bayram Məmmədovdan 2,904 qram heroin, evinə baxış zamanı isə əlavə olaraq 1 kiloqram 150 qram heroin aşkar edilərək götürülüb.

1news.az