Binəli Yıldırım: “Azərbaycan - Türkiyə əlaqələri inkişaf dövrünü yaşayır”

Azərbaycanın müstəqilliyini qazandığı ilk gündən etibarən əldə etdiyi nailiyyətlər bizi də qürurlandırır.

1news.az-ın Türkiyə mətbuatına istinadən verdiyi xəbərə görə, bunu Türkiyənin baş naziri Binəli Yıldırım Azərbayacan səfərindən əvvəl hava limanında jurnalistləırə verdiyi açıqlamasında deyib.

“Biz gözəl ənənələrimizi davam etdiririk. Azərbaycan və Türkiyə əlaqələri tarixinin ən gözəl inkişaf dövrünü yaşayır.  “Bir millət, iki dövlət” prinsipində qurulan əlaqələrimiz inkişaf edir. Dost və qardaş Azərbaycanın qazandığı nailiyyətlər bizi hər zaman qürurlandırır”- deyə, B.Yıldırım vurğulayıb.

Dağlıq Qarabağ münəqişəsinə toxunan baş nazir Ermənistanı boş xəyallardan əl çəkməyə çağırıb.

“Ermənistan terror təşkilatlarına qucaq açıb. Azərbaycan torpaqlarının işğalını davam edir. Minsk qrupunun bütün səylərinə baxmayaraq münaqişənin həllində irəliləyiş müşahidə olunmur. Lakin biz hesab edirik ki, Ermənistan bu boş xəyallardan əl çəkməlidir”- deyə. B.Yıldırım qeyd edib.

1news.az