Qaçırılan 17 yaşlı nişanlı qız tapıldı - FOTO
Avqustun 18-də axşam saat 23:00-da Cəlilabad rayonunun Boyxanlı kəndində 17 yaşlı nişanlı qız Zaur adlı həmkəndlisi tərəfindən qaçırılmışdı.
1news.az AzVision.az-a istinadən xəbər verir ki,evli kişi tərəfindən zorla qaçırıldığı iddia olunan qız polis əməkdaşları tərəfindən tapılaraq Cəlilabada gətirilib.
Hazırda qız və onu qaçıran şəxs Cəlilabad rayon Polis İdarəsində dindirilir. Ailəsi qızı geri qaytarmaq istəsə də, polis əməkdaşları onun öz istəyi ilə qaçdığını bildiriblər.
Qanunvericiliyə əsasən isə 18 yaşı tamam olmayan qızın ailəsinin razılığı olmadan ailə həyatı qurması qadağandır.
Qeyd edək ki, öz qohumu ilə nişanlı olan 17 yaşlı qızı qaçıran şəxs iki dəfə evli olub. Onun işsiz və avara həyatı yaşadığı bildirilir.
1news.az
