İlham Əliyev moldovalı həmkarını təbrik edib

Azərbaycan prezidenti Moldova Respublikasının Prezidenti Zati-aliləri cənab Nikolaye Timoftiyə təbrik məktubu göndərib.

1news.az Azərtac-a istinadən xəbər verir ki, məktubda aşağıdakılar qeyd edilib:

“Hörmətli cənab Prezident,

Moldova Respublikasının milli bayramı – Müstəqillik günü münasibətilə Sizi və xalqınızı öz adımdan və Azərbaycan xalqı adından səmimi qəlbdən təbrik edirəm.

Əminəm ki, Azərbaycan ilə Moldova arasındakı dostluq və əməkdaşlıq münasibətləri ölkələrimizin və xalqlarımızın mənafelərinə uyğun olaraq bundan sonra da inkişaf edəcək və genişlənəcəkdir.

Bu əlamətdar gündə Sizə möhkəm cansağlığı, işlərinizdə uğurlar, dost Moldova xalqına əmin-amanlıq və firavanlıq arzulayıram”.

1news.az