“Ustada ehtiramla” kitabı təqdim olundu – FOTO

Azərbaycanın mərhum xalq artisti Mobil Əhmədovun anadan olmasının 85 illiyi qeyd olunub.

1news.az xəbər verir ki, Bülbülün “Ev Muzeyi”ndə baş tutan tədbirdə əməkdar artist, Azərbaycan Dövlət Akademik Opera və Balet Teatrının solisti, vokalçı Ramil Qasımovun müəllifliyi ilə Mobil Əhmədovun həyat və yaradıcılığını əks etdirən “Ustada ehtiramla” kitabı da təqdim olunub.

Təqdimat mərasimində çıxış edən bildirib ki, sənətdə yüksəlməsini mərhum müəlliminə minnətdardır:

“21 il öncə mən ustadımın yanına gəlib, mənə sənət öyrətməsini xahiş etdim. O mənə həm sənət verdi, həm də vətənə, xalqa hər zaman sədaqətlə xidmət etməyi tapşırdı”.

Tədbirdə xalq artisti Adil Bağırov, bəstəkar Elnarə Dadaşova, həmçinin M.Əhmədovun tələbəsi Ramil Qasımov mərhum sənətkarla bağlı xatirələrini bölüşüb.

“Ustada ehtiramla” kitabında mərhum sənətkarın keçdiyi həyat yolu, onun rəsm işlərindən nümunələr və haqqında xatirələr yer alıb.

1news.az