Siyavuş Novruzov: “Müsavat Partiyasının mitinqi qanun pozuntusu ilə keçdi”

“Müsavatın bugünkü mitinqi "Sərbəst toplaşmaq haqqında" qanuna və Seçki Məcəlləsinə uyğun deyildi. Çünki orada çıxış edənlər həm referenduma toxundu, həm də digər şəxslərin hüquq və azadlıqlarını pozdular”.

1news.az xəbər verir ki, bunu APA-ya açıqlamasında Yeni Azərbaycan Partiyasının (YAP) icra katibinin müavini, Milli Məclisin deputatı Siyavuş Novruzov Müsavat Partiyasının bu gün keçirilən mitinqinə münasibət bildirərkən deyib.

O qeyd edib ki, mitinqə  çox az sayda adam gəlib:

“Onlar da mitinq təşkilatçılarının yaxınları idilər. Mən qeyd edim ki, bu mitinq qanun pozuntusu ilə keçdi, bunu deməyə oradakı insanların çıxışı əsas verir. Orada həqiqətə uyğun olmayan və Azərbaycanın bugünkü inkişafını görməyən, ona qara yaxan çıxışlar oldu. Hamı görür ki, Azərbaycan bu gün həm xaricdə, həm daxildə xalqın mənafeyinə uyğun siyasət aparır”.

1news.az