AŞPA məruzəçisi: “Səsvermə çox yaxşı təşkil olunub”
“Səsvermə başladığı andan səs vermək üçün növbədə çoxlu adamlar var”.
1news.az-ın APA-ya istinadən verdiyi xəbərə görə, bu sözləri referendumu müşahidə etmək üçün Azərbaycandan səfərdə olan AŞPA Monitorinq Komitəsinin Azərbaycan üzrə həmməruzəçisi Stefan Şennak deyib. O bildirib ki, səsverməyə qatılanlar arasında qadınlar üstünlük təşkil edir: “Biz Bakının mərkəzində olduq. Səsvermə prosesi çox yaxşı təşkil edilib. İndi Bakıdan kənara çıxmağı planlaşdırırıq”.
Xatırladaq ki, günün ilk saatlarında Stefan Şennak 29 saylı Səbail rayon seçki dairəsinin 4 saylı seçki məntəqəsində və 23 saylı Nəsimi-Səbail seçki dairəsinin 23 saylı seçki məntəqəsində olub. O, seçici siyahılarına nəzər salıb, səsvermə prosesini müşahidə edib, yerli müşahidəçilərin fikirlərini öyrənib.
1news.az
