Xalq artisti qayda pozdu - VİDEO
Azərbaycanın xalq artisti, xanəndə Gülyaz Məmmədova Bülbül prospektindən (“Sahil” metrosunun yanından) sağa - Zərifə Əliyeva küçəsinə dönərkən qayda pozub.
1news.az xəbər verir ki, qayda pozuntusu avtosfer.az saytının əməkdaşının avtomobilində quraşdırdığı videoqeydiyyat qurğusuna qeyd olunub.
Belə ki, xalq artisti idarə etdiyi “Lexus” markalı, 90 FT 181 dövlət nömrə nişanlı avtomobillə sağa dönərkən 3-cü zolaqdan sağa manevr edib. Bununla da, o, “Yol hərəkəti haqqında” Qanunun 42-ci maddəsinin 7-ci hissəsinin tələbini pozub. Həmin maddədə göstərilir ki, sağa dönən nəqliyyat vasitələri sağ zolaqla manevr edərək dönəcəyi yolun sağ zolağına keçməlidir. Bu qayda pozuntusuna görə, müğənni Gülyaz Məmmədovanı İnzibati Xətalar Məcəlləsinin 327.1-ci maddəsi ilə 40 manat cərimə gözləyir.
1news.az
