Azərbaycanda vətəndaş kanalizasiya quyusuna düşdü

Bu gün səhər saatlarında Bakının Qaradağ rayonu ərazisində 17 yaşlı qız avtomobil yolunun ortasında kanalizasiya quyusuna düşüb.

1news.az-ın Bizim Yol-a istinadən verdiyi məlumatına əsasən, hadisə Lökbatan yolunda qeydə alınıb. Yoldan keçmək istəyən 17 yaşlı A.K. üstü açıq olan kanalizasiya quyusuna yıxılıb. Hadisəni görən sürücülər qıza yardım göstəriblər.

Quyuya düşən A.K.-nın ayağı və yan ətraflarından xəsarət alıb.

Hadisəyə yolun su ilə dolu olması və qızın açıq quyunu görə bilməməsi səbəb olub.

1news.az