PKK SOCAR-ın Türkiyədəki ofisində terakt planlaşdırırmış – FOTO

PKK terror təşkilatı Petkim şirkətinin İzmir şəhərinin Aliağa rayonunda yerləşən ofisində terror aktı həyata keçirməyi planlaşdırırmış.

1news.az-ın İhlas-a istinadən verdiyi məlumatına əsasən, bu haqda İzmir polisi tərəfindən saxlanılan 3 terrorçudan biri Mehmet D. deyib.

Keçmiş tələb olan 23 yaşlı Mehmet D. Soruşdurma zamanı Kahramanmaraşda universitetdə oxuyarkən HDP-nin (kürd yönümlü Xalq demokratik partiyası) iclaslarına getdyini bildirib.

“Müəyyən zaman keçdikdən sonra mənə dedilər: “Polis səni saxlayacaq, dağlara qalx”. Mən qorxdum və dağlarda gizlənmək qərarı aldım. Orada məni bomba düzəltməyə öyrətdilər. Mən Şimali İraqda olmuşam. Bir həftə əvvəl gizli yollar ilə Türkiyəyə gəlmişəm. Avtobusla İzmirə gəldim. Sonra kəşfiyyat üçün AK Partiyasının binlarına, ticarət mərkəzlərinin yanına gəlirdik. Mənə göstərilən insanlarla əlaqə saxladım. Bu zaman polis əməliyyat keçirdi. Ömer D.-ni saxladılar, Ahmet D. və mən qaça bildik. Şəxsiyyətimin artıq müəyyən edildiyini bilmirdim, və qardaşım gildə gizləndirdim. Məni orada saxladılar”, - deyə o qeyd edib.

Onun sözlərinə görə, polisinin diqqətini çəkməmək üçün terror təşkilatı öz çirkli əməllərində, heç bir cinayətə bulaşmayan, tələbələri istifadə edir.

“Ona görə bizə saxta pasport vermirdilər. “İşə”, adətən, şəhərdə qohumları olanları göndərirdilər ki, saxlanılanda tələbə olduğumuzu və qohumlarımız gilə gəldiyimizi deyə bilək.

Mən Aliağa rayonunda yerləşən Petkim Rafinerisinə kəşfiyyata getməyi planlaşdırırdım. Lakin uzaq olduğu üçün bunu edə bilmədim. Təşkilat bizə terror aktlarını polislərə, hərbçilərə qarşı, həmçinin iqtisadiyyata zərər yetirmək üçün iqtisadi obyektlərə həyata keçirməyi əmr etmişdi”, - deyə saxlanılan terrorçu etiraf edib.

1news.az