“Günəşli” yatağında daha bir quyu istismara verilib
“Azneft” İstehsalat Birliyi tərəfindən “Günəşli” yatağında hasilatın artırılması və quyu fondunun genişləndirilməsi işləri uğurla həyata keçirilir.
1news.az-ın Birliyə istinadən verdiyi xəbərə görə, ötən il dekabrın 4-də “Günəşli” yatağındakı 10 saylı dərin dəniz özülündə baş vermiş təbii fəlakətdən sonra aparılan təmir-bərpa işləri öz bəhrələrini verməkdədir.
Bu günlərdə özüldəki daha bir quyu - 340 nömrəli quyu əsaslı təmirdən sonra istismara verilib. Quyu məhsuldar qat çöküntülərinin Fasilə lay dəstəsindən fontan üsulu ilə məhsul verib, 2967-2935 metr intervaldan gündəlik 52 ton neft və 8000 kubmetr qaz hasilatı ilə istismara daxil edilib.
Quyuda istismar işləri “Azneft” İB “28 May” NQÇİ tərfindən həyata keçirilir.
1news.az
