Ermənistan ordusunda intiharların sayı 2 dəfə artıb – HESABAT
Ötən illə müqayisədə 2016-cı ildə Ermənistan silahlı qüvvələrində (SQ) ölüm hallarının sayı 4 dəfə (3 – 2015-ci ildə, 12 - 2016-cı ildə), intiharların sayı isə - 2 dəfə (10 intihar hadisəsi) artıb.
Bu statistika Helsinki Vətəndaş Assambleyası ofisinin Ermənistan ordusunun 2016-cı ilin yanvar-sentyabr ayları üzrə apardığı hesabatda qeyd edilib, bu haqda erməni mətbuatı məlumat yayır.
Araşdırmalara əsasən, bu müddət ərzində Ermənistan SQ-də 146 adi və müqaviləli hərbçilər, eləcə də apreldə baş vermiş dördgünlük müharibə zamanı iştirak etmiş könüllülər də həlak olub.
Təşkilat 146 ölüm faktını qeyd edib: “Bu hadisələrdən 77-si 1-5 aprel tarixlərində, 69 hadisə isə atəşkəs rejimin pozulması nəticəsində, eləcə də bədbəx hadisə, təbii fəlakət, qətl və intihar zamanı baş verib”.
Hüquqmüdafisəçisi bildirib ki, ötən ilin eyni dövrü ilə müqyisədə 56 ölüm hadisəsi baş verib ki, bunlardan 31-i atəşkəs rejimin pozulması zamanı qeydə alınıb.
Bu il (aprel münaqişəsini və atəşkəs rejimini nəzərə almasaq) həmin səbəblərdən ölüm halları 2015-ci illə müqayisədə 3 dəfə azalıb.
42 ölüm faktı üzrə cinayət işi açılıb. Lakin təşkilatın məlumatına görə, digər 104 ölüm halı üzrə heç bir rəsmi cinayət işi açılmayıb.
Hesabatda qeyd edilir ki, ölüm hallarının 20-si Ermənistanda, 126-sı isə Azərbaycanın işğal olunmuş Dağlıq Qarabağ ərazilərində baş verib.
Xatırladaq ki, Ermənistan SQ-də 2010-2015-ci illər ərzində 206 ölüm hadisəsi baş verib. Bunlardan 48-i intihar, 43-ü isə qətldir. Bu göstəricilərdə Ermənistan-Azərbaycan təmas xəttində atəşkəsin pozulması zamanı Ermənistan ordusunun itkiləri nəzərə alınmır.
1news.az
