“Qızlarından uzaq dur” dedi və bıçaqladı – Bakıda cinayət

Bakıda bıçaqlanma hadisəsi baş verib.

1news.az lent.az-a istinadən xəbər verir ki, Yusif Səfərov küçəsində yerləşən binalardan birinin blokunda 1988-ci il təvəllüdlü Bayramov Səbuhi Rafiq oğlu bıçaqlanıb.

O, 3 saylı Şəhər Kliniki Xəstəxanasına yerləşdirilib.

İlkin araşdırmalardan sonra məlum olub ki, 28 yaşlı Səbuhini qonşuluqda yaşayan qadının qeyri-rəsmi nikahda olduğu 1987-ci il təvəllüdlü Muradov Zamiq Məharət oğlu bıçaqlayıb. Belə ki, dünən gecə saatlarında Z.Muradov sevgilisinin evində olarkən Səbuhi Bayramov onların qapısını döyüb. Qapını açan Zamiq Səbuhi ilə mübahisə edib və onu hədələyib. Z.Muradov qonşudan qeyri-rəsmi nikahda yaşadığı qadının qızlarından uzaq durmasını tələb edib. Daha sonra mübahisə qanlı münaqişəyə çevrilib.

Hadisəni törədən Z.Muradov qaçıb.

Bildirilir ki, o, daha əvvəl iki dəfə məhkumluq həyatı yaşayıb.

1news.az