Hüquq və İnsan Haqları İnstitutunda erməni terroru və onun nəticələri müzakirə edilib

Oktyabrın 26-da Azərbaycan Milli Elmlər Akademiyasının (AMEA) Hüquq və İnsan Haqları İnstitutunda “Azərbaycan 25 il erməni terroru ilə mübarizədə üz–üzə” mövzusunda “dəyirmi masa” keçirilib.

İnstitutun direktoru, Milli Məclisin deputati Aytən Mustafayeva tədbirin dövlət müstəqilliyimizin bərpasının 25 illiyinə həsr olunduğunu deyib. Bildirilib ki, erməni terroru ilə qarşılaşdığı zaman Azərbaycan xalqının səsi dünyada eşidilmirdi.

Ötən 25 ildə isə ölkəmiz böyük inkişaf yolu keçib, dünya ölkələri arasında nüfuz sahibidir. Bu gün dünyada irimiqyaslı bir sıra layihələr Azərbaycanın iştirakı ilə həyata keçirilir.

Tədbirdə mövzuya dair məruzələr dinlənilib, müzakirələr aparılıb.

AZƏRTAC