Gəncədə evdə partlayış olub, ev sahibi xəsarət alıb

Gəncə şəhərində evlərdən birində partlayış olub.

1news.az xəbər verir ki, bu barədə Daxili İşlər Nazirliyindən məlumat veriblər.

Məlumata görə, oktyabrın 25-də saat 23:00 radələrində Gəncə şəhərində yaşayan Elçin Nağıyevin evində təbii qazın sızmasından partlayış baş verib və o, aldığı xəsarətlə xəstəxanaya yerləşdirilib.

Dağıntı və yanğın olmayıb.

Faktla bağlı araşdırma aparılır.

1news.az