İtaliya-Azərbaycan parlamentlərarası dostluq qrupunun rəhbəri İlham Əliyevi təbrik edib

İtaliya-Azərbaycan parlamentlərarası dostluq qrupunun rəhbəri Senator Sercio Divina İlham Əliyevə təbrik məktubu göndərib.

1news.az-ın dövlət başçısının rəsmi saytına istinadən verdiyi xəbərə görə, məktubda deyilir:

“Hörmətli Prezident.

İtaliya-Azərbaycan parlamentlərarası dostluq qrupunun üzvləri adından və şəxsən öz adımdan Sizi Azərbaycan Respublikasının dövlət müstəqilliyinin bərpasının iyirmi beşinci ildönümü münasibətilə təbrik edirəm.

Çoxsaylı italyanlar Azərbaycanın tarix baxımından qısa bir müddət olan 25 il ərzində əldə etdiyi nailiyyətləri böyük heyranlıqla izləyir və gündən-günə daha çox iş adamı Sizin ölkənizdə təşəbbüslərə cəlb olunur.

Cənab Prezident, Sizi Azərbaycan iqtisadiyyatının sürətli inkişafı, ölkədə hökm sürən sabit siyasi, sosial və multikultural mühitə görə bir daha təbrik edirəm.

Ölkələrimiz arasındakı münasibətlərin bundan sonra da inkişaf edəcəyi ümidi ilə Sizə dərin ehtiramımı bildirirəm”.

1news.az