Keçən ay BTC kəməri ilə nəql olunan neftin həcmi açıqlanıb

Cari ilin oktyabr ayı ərzində BTC əsas ixrac boru kəməri vasitəsilə 2 milyon 360 min 330 ton Azərbaycan nefti nəql olunub.

1news.az-ın SOCAR-a istinadən verdiyi xəbərə görə, cari ilin yanvar-oktyabr aylarında bu kəmərlə 24 milyon 403 min 652 ton neft ötürülüb.

Ümumiyyətlə, kəmər istifadəyə verilən gündən 2016-cı il noyabr ayının 1-ə qədər BTC-yə 317 milyon 079 min 041 ton neft vurulub.

Bundan başqa, 2016-cı ilin oktyabr ayında BTC kəməri ilə 263 min 869 ton Türkmənistan nefti nəql olunub.

1news.az