Türkiyədə Səməd Vurğunun yubiley tədbirləri keçiriləcək

Xalq şairi Səməd Vurğunun anadan olmasının 110 illiyi münasibətilə İstanbul və Ankarada yubiley tədbirləri keçiriləcək.

1news.az-ın Mədəniyyət və Turizm Nazirliyinə istinadən verdiyi məlumata görə, xatirə tədbirləri nazirliyin, TÜRKSOY və Azərbaycan Milli Kitabxanasının birgə təşkilatçılığı baş tutacaq.

Yubiley tədbirləri çərçivəsində kitab və foto-sərgi, beynəlxalq elmi konfrans və şairin şeirlərindən ibarət bədii hissə keçiriləcək.

Noyabrın 14-də İstanbulda 36-cı İstanbul beynəlxalq kitab sərgi yarmarkasında Azərbaycan ekspozisiyasının önündə Səməd Vurğunun 110 illik yubileyi, noyabrın 15-də Ankarada TÜRKSOY-un iqamətgahında  beynəlxalq elmi konfrans, kitab sərgisi və Milli Kitabxnanın nəşri olan  “S.Vurğun. Biblioqrafiya” kitabının təqdimatı, noyabrrın 17-də isə Türkiyə Milli Kitabxanasında kitab, foto sərgi və biblioqrafiyanın təqdimat mərasimi keçiriləcək.  

1news.az