DAA prezidenti alman millət vəkili ilə görüşüb

Dünya Azərbaycnlıları Assambleyasının prezidenti Rəşad Quliyev Almaniya Federativ Respubliksının Nordrhein Westfalen əyalətinin parlament üzvü, CDU Pariyasının rəhbərliyində təmsil olunan (hazırda iqtidarda olan Xristiyan Demokratlar Partiyası) Serap Gülerlə görüş keçirib.

1news.az-a DAA-nın mətbuat xidmətindən verilən xəbərə görə, görüşün əsas istiqamətinin DAA-nın məqsad və məramı haqqında millət vəkilinə məlumat vermək, eyni zamanda gələcəkdə CDU ilə DAA arasında əməkdaşlıq perespektivlərini müzakirə etmək olub.

Əsas məqsədlərinin Azərbaycanın zəngin mədəniyyəti haqqında məlumat vermək, dünyanın müxtəlif ölkələrində yaşayan azərbaycanlıların yaşadıqları ölkələrdə inteqrasiya prosesinə dəstək olmaq, dünya xalqları və toplumları ilə işbirliyi yaradaraq qarşılqlı hörmət və dostluq səviyyəsində fəaliyyət keçirmələri olduğunu söyləyən Rəşad Quliyev, eyni zamanda Dağlıq Qarabağın işğal edildiyi faktının da dünyaya çatdırılması və diplomatik səviyyədə bu məsələnin həll edilməsinə nail olmaqdan ibarət olduğunu deyib.

Öz növbəsində Serap Güler Azərbaycan haqqında məlumatlı olduğunu bildirib, Assambleyanın fəaliyyətinin onun üçün də maraqlı olduğunu qeyd edib.

Görüşün sonunda Serap Güler DAA ilə NRW parlamenti, həmçinin CDU partiyası arasında gələcək əməkdaşlığın qurulmasına öz tərəfindən dəstək verəcəyini, beləliklə rəsmi qurumlar və Assambleya arasında əməkdaşlıq körpüsünün yaradılmasına töhfə verəcəyini bildirib.

Daha sonra Rəşad Quliyev millət vəkilinə gələn ilin fevralın 4-də Kölndə keçiriləcək Dünya Azərbaycanlıları Köln Forumuna dəvət edib. O da bu tədbirə qatılacağını, özü ilə yanaşı CDU partiyasının fəal siyasətçilərini də dəvət edəcəyini bildirib.

1news.az