Azərbaycanda Gənclərin Problemləri üzrə Ekspert Komissiyası yaradılır
Azərbaycanda yeni Komissiya yaradılır.
1news.az xəbər verir ki, bu, Milli Məclisin Gənclər və İdman komitəsinin bu gün keçirilən iclasında müzakirəyə çıxarılan “Gənclər siyasəti haqqında” qanuna əlavələrdə əksini tapıb.
Qanuna əlavə edilən 10.4-cü maddədə bildirilir ki, gənclər siyasətinin həyata keçirilməsinə nəzarət, problemlərin müəyyən edilməsi və aradan qaldırılması ilə bağlı tədbirlərin görülməsi məqsədi ilə müvafiq icra hakimiyyəti orqanı yanında Gənclərin Problemləri üzrə Ekspert Komissiyası yaradılır. Komissiya ictimai əsaslarla fəaliyyət göstərir və tərkibinə bilavasitə gənclər siyasəti ilə məşğul olan mütəxəssislər, gənclər təşkilatlarının nümayəndələri, istedadlı və yaradıcı gənclər daxil edilir. Gənclərin Problemləri üzrə Ekspert Komissiyasının fəaliyyəti müvafiq icra hakimiyyəti orqanı tərəfindən təsdiq edilən Əsasnamə ilə müəyyən edilir.
Layihənin ictimai müzakirəsi davam edib.
1news.az
