Türkiyənin “Botaş” şirkəti Azərbaycandan təbii qaz idxalını artıracaq
Türkiyənin “Botaş” şirkəti (Boru Hatları ile Petrol Taşıma AŞ) Azərbaycandan təbii qaz idxalını artırmağı nəzərdə tutur.
1news.az AZƏRTAC-a istiandən xəbər verir ki, bu barədə şirkətin hesabatında deyilir. Bildirilir ki, şirkət keçən il Azərbaycandan 6 milyard 170 milyon kubmetr qaz idxal edib. Bu ilin sonunda həmin rəqəm 6 milyard 500 milyon kubmetrə yüksələcək.
Ötən il xaricdən ümumilikdə 40,6 milyard kubmetr qaz alan “Botaş”ın bu ilin sonunadək idxalının 36,5 milyard kubmetrə düşəcəyi proqnozlaşdırılır. Bu o deməkdir ki, cari ildə keçən ilə nisbətən qaz idxalı 4 milyard 100 milyon kubmetr azalacaq.
Qeyd edək ki, “Botaş” şirkəti Azərbaycan təbii qazını Türkiyəyə və bu ölkədən də Avropaya nəql edəcək TANAP qaz boru kəmərində 30 faizlik iştirak payına sahibdir.
1news.az
