Kombilərdən düzgün istifadə edin, qaz sərfiyyatı 30 faiz azalsın – VİDEO

Kombilərdən düzgün istifadə etmədikdə qaz sərfiyyatı arta bilər.

1news.az “Xəzər Xəbər”ə istinadən məlumat verir ki, insanların çoxu payız ayında kombinin qaz sərfiyyatına görə ödədiyi məbləği elə qış vaxtı da ödəyir.

Yəni məbləğdə ciddi bir dəyşiklik olmur. Ustaların dediyinə görə, vətəndaşlar  kombi cihazından düzgün istifadəni bilmir.

Mütəxəssilərin sözlərinə görə, dərəcənin aşağı qoyulması qaz sərfiyyatının az olması demək deyil. Kombinin dərəcəsini bayırdakı havaya uyğun seçmək lazımdır. Əgər bu düzgün seçilərsə qaz sərfiyyatı bütün aylar üçün eyni olar. Bu tövsiyələrə əməl edildikdə  mavi yanacağa ən azı 30 % qənaət edilir.

Bir neçə ildir kombilərin quraşdırılması ilə məşğul olan Elşən Rufullayev deyir ki, bu cihazın harda və necə, hansı usta tərəfindən quraşdırılmasından da çox asılıdır. Borular düzgün çəkilməsə və radiatorlar soyuq hava kütləsinin daxil olduğu yerlərə quraşdırılmadıqda kombi yanacağı çox yandırır.

Radiatorların  seksiaları da otağın kvadratına uyğun hesablanmalıdır. Mütəxəssisin sözlərinə görə, əgər sadalanan qaydalara əməl edilərsə kombi cihazı 70-80 kvadratmetr sahə üçün ay ərazində 30-40 manatlıq qaz yandırır.

Mövzu ilə bağlı videomaterialı təqdim edirik:

1news.az