Perunun “El Peruano” qəzetində Novruzla bağlı məqalə dərc edilib – FOTO
Azərbaycan Respublikasının Meksikadakı səfirliyinin Lima ofisinin rəhbəri Mehdi Məmmədovun Perunun nüfuzlu mətbu orqanlarından biri olan “El Peruano” qəzetində Novruz bayramına həsr olunmuş məqaləsi dərc edilib.
Səfirlikdən 1news.az-a verilən məlumata görə, məqalədə Azərbaycanın qədim adət-ənənələrinin təcəssümü olan Novruz bayramının mahiyyəti haqqında Peru oxucularını məlumatlandıraraq, bayram ənənəsinin nəsildən-nəsilə zəngin mədəni irs olaraq ötürülməsindən, onun sülh və həmrəylik rəmzi olmasından bəhs edib.
Məqalədə bu bayram çərçivəsində Azərbaycan folklorundan, milli mətbəxindən və digər adət-ənənələrindən söz açılır.
Burada həmçinin Azərbaycan Respublikasının Birinci vitse-prezidenti Mehriban xanım Əliyevanın Novruz bayramının YUNESKO-nun qeyri-maddi mədəni sərvətlər siyahısına daxil edilməsində xüsusi rolu qeyd edilir.
1news.az
