Səfirlik: İranın Azərbaycanın ərazi bütövlüyünü dəstəkləməsi ilə bağlı siyasəti dəyişməzdir

İran İslam Respublikasının Azərbaycanın ərazi bütövlüyünü dəstəkləməsi ilə bağlı dəyişməz siyasəti tamamilə aydındır və indiyədək bununla bağlı mövqeyimizi dəfələrlə bildirmişik.

Bu barədə 1news.az-a İran İslam Respublikasının Azərbaycandakı səfirliyinin mətbuat xidmətinin katibi Məhəmmədrza Nəcəfinin verdiyi xəbərə görə,Novruz tətilləri günlərində İran İslam Respublikasından heç bir rəsmi musiqi qrupu Azərbaycan Respublikası ilə Ermənistan arasında münaqişəli sayılan ərazilərə səfər etməyib:

“Üçüncü ölkə mediaları vasitəsilə yayılan qeyri-mötəbər və bəzən təhrif olunmuş xəbərlər İran İslam Respublikası ilə Azərbaycan Respublikası arasında əlaqələri korlamaq və ictimai rəyi mənfi yönlərə yönəltmək hədəfi ilə yayılır. Təəssüflər olsun ki, indiyədək dəfələrlə bunun şahidi olmuşuq. Biz bu qəbil cəhdləri şiddətlə qınayırıq”.

1news.az