Kliçko: Əminəm ki, Bakını görən bütün qonaqlar buraya bir daha gəlmək istəyər – FOTO

Kiyev Şəhər Dövlət Administrasiyasının başçısı, məşhur boksçu Vitali Kliçko Bakıda rəsmi səfərdədir.

Bu gün səhər Vitali Kliçko şəhəri gəzib, həmçinin Azərbaycan Prezidenti İlham Əliyevlə görüşüb. O, ilk təəssüratlarını azərbaycanlı jurnalistlərlə bölüşüb:

“Prezident İlham Əliyevlə ilk görüşüm Münhendə baş tutub. Orada Bakıya səfər etmək dəvətini aldım və buradayam. Gördüklərimdən heyran qaldım! Bir neçə saat ərzində gördüklərim müsbət təəssüratlar yaratdı.

Şəhər çox gözəldir! Yeni tikililərlə yanaşı, qədimilik və orijinallıq da qorunub saxlanılıb. Əminən ki, buraya gələn hər bir kəs Bakıya vurularaq, bir daha geri qayıtmaq arzusunda olur”.

Vitali Kliçko Prezident İlham Əliyevlə görüşüü çox məhsuldar olduğunu hesab edir:

“Deklarasiyalardan konkret addımlara keçid məqamlarını, eləcə də Ukrayna ilə Azərbaycan arasında münasibətlərin inkişaf perspektivləri müzakirə etdik”.

Kiyev meri hesab edir ki, Azərbaycanla Ukrayna arasında əməkdaşlığın potensialını mədəniyyət, idman və biznes sahəsinin inkişafı hesabına artırmaq olar:

“İdman və mədəniyyət sahəsində istənilən tədbir ölkəni beynəlxalq arenada təmsil etmək, idman və incəsənətin sərhədi olmadığı üçün ölkələri birləşdirmək kimi gözəl imkanlar verir”.

1news.az