Bakıda ən bahalı uşaq bağçaları hansılardır – SİYAHI

Azyaşlı uşaqları olan valideynləri maraqlandıran məsələlərdən biri də uşaq bağçalarının qiymətidir.

1news.az xəbər verir ki, milli.az paytaxtdakı bahalı uşaq bağçalarının qiymətlərini araşdırıb.

Araşdırmaya əsasən, adıçəkilən uşaq bağçalarının xidmətlərinə 3 dəfə yemək, rəqs, ingilis dili kursları, şahmat oyunları daxildir. Bağçaların fəaliyyət qrafikləri, demək olar ki, eynidir. Fərqli olan, sadəcə, bir bağçanın binasının digərinə nisbətən daha modern olmasıdır.

Özəl bağçalarda aylıq ödənişlər sahibkarların öz şəxsi qərarları əsasında tənzimlənir. Yəni, müəssisənin sahibi göstərdiyi xidmətə qiymət qoymaqda sərbəstdir. Ona lisenziya verən Təhsil Nazirliyi də bu məsələyə qarışmır. Sahibkar da hesab edir ki, göstərdiyi xidmət, müəssisədə yaradılan maddi-texniki baza aylıq ödənişdə öz əksini tapmalıdır ki, yatırdığı sərmayəni götürə bilsin.

Uşaq bağçası yaratmaq üçün lisenziyanın alınması üçün ödənilən dövlət rüsumunun məbləği isə 1250 manat müəyyən edilib.

Dövlət Statistika Komitəsinin rəqəmlərinə görə, 2016-cı ildə ölkədə 1722 məktəbəqədər təhsil müəssisəsi fəaliyyət göstərib. Bunun 1079 körpələr evləri-uşaq bağçaları, 631 ədədi uşaq bağçaları, 4-ü məktəb-uşaq bağçaları, 8-i xüsusi bağçalar olub. 

​Babək Cahandarov