Bahar Muradova: Türkiyədə bütün qərarlar xalqın gələcəyə yönəlmiş hədəflərinə xidmət edir
“Hər şeydən əvvəl Türkiyə vətəndaşlarını, xalqını ümumxalq səsverməsinin nəticələri münasibətilə təbrik etmək lazımdır”.
1news.az-ın məlumatına görə, bunu Milli Məclisin sədr müavini Bahar Muradova deyib. O bildirib ki, hansı hissənin hansı mövqe sərgiləməsindən asılı olmayaraq ortada olan və hər kəsə yəqin olan həqiqət bundan ibarətdir ki, Türkiyədə bütün qərarlar xalqın əksəriyyətinin iştirakı ilə qəbul edilir və xalqın gələcəyə yönəlmiş hədəflərinə xidmət edir:
“Düşünürəm ki, əldə olunmuş nəticə türk seçicilərinin vətəndaşlarının qərarıdır və bu da nəzərə alınmalıdır. Biz həm daxildə, həm də xaricdə türk vətəndaşlarının çox qızğın müzakirələrinin şahidi olduq. Nəticə ortadadır. Hədəfə nail olundu. Referendum yüksək səviyyədə keçirildi. Bütün demokratik standartlara uyğun şəkildə qərar verildi.
İndi artıq bu qərarın yerinə yetirilməsi prosesini müşahidə etmək qalır. Əminəm ki, Türkiyənin siyasi iqtidarı, Ərdoğan və bütün qərarlarda xalqın dəstəyini alan AKP bundan sonra xalqa vəd etdiyini həm daxildən möhkəmlətmək, həm xarici tərəfdaşlar və müttəfiqləri onu o qədər sevməyən “dostları” ilə münasibətdə Türkiyənin əsas maraqlarını rəhbər tutaraq bu qərarın verdiyi üstünlüklərdən yaralanacaq”.
Pərvanə Sultanova
