Azay Quliyev: Minsk qrupunun həmsədrləri hesabat verməlidirlər
“ATƏT PA-da münaqişələrlə bağlı mühim sənədər qəbul olunub. Ancaq düşünürük ki, bizə bununla bağlı konkret addımlar, konkret qərarlar lazımdır”.
1news.az-ın məlumatına görə, bunu qurumun vitse-prezidenti, millət vəkili Azay Quliyev deyib. O bildirib ki, ATƏT PA ATƏT-in bu istiqamətdə göstətdiyi fəaliyyəti təftiş etməli, Minsk qrupunun həmsədrlərindən hesabat tələb etməlidir:
“Həmsədrlərdən münaqişənin hələ də niyə həll olunmamasını soruşmalıdırlar. Niyə hələ də təmas xəttində mülki insanlar, Azərbaycan əsgərləri həlak olurlar? Ona görə də ötən ay Milli Məclisin spikeri Oqtay Əsədov Sankt-Peterburq şəhərinə səfəri çərçivəsində ATƏT PA-nın prezidenti Kristine Muttonen ilə görüşündə məsələ qaldırdı ki, Minsk qrupunun həmsədrləri ATƏT PA-nın növbəti sessiyalarının birinə dəvət olunsun və hesabat versin.
Biz həm də Minsk qrupu ölkələrinin parlament üzvlərinin görüşünün keçirilməsini planlaşdırırıq və bu toplantıda münaqişənin həll olunmasını müzakirə edəcəyik”.
Pərvanə Sultanova
