Ərdoğan fransız politoloq barədə iddia qaldırdı
Türkiyə Prezidenti Rəcəb Tayyib Ərdoğan fransalı politoloq Filip Moro Defarges (Philippe Moreau Defarges) barədə Ankara prokuroirluğunda iddia qaldırıb.
1news.az-ın məlumatına görə, bu barədə “Anadolu agentliyi xəbər yayıb.
Fransız İnstitutunun beynəlxalq münasibətlər üzrə professoru Filip Moro Defarges canlı yayımda Türk lider haqqında qalmaqallı çıxışı ilə hər kəsi heyrətə gətirib.
O deyib ki, aprelin 16-da Türkiyədə keçirilmiş referendumun nəticələrini nəzərə alaraq iki yol qalır: ya vətəndaş müharibəsi, ya da Ərdoğanı aradan götürmək.
Ərdoğanın vəkili Hüseyn Aydın Ankara prokrorluğuna dörd səhifədən ibarət şikayət təqdim edib. Türkiyə Cinayət Məcəlləsinə görə, Defargesin sözləri prezidentə sui-qəsd çağrışı kimi qiymətləndirilir.
Türkiyə qanunvericiliyi bu əmələ görə xarici vətəndaşa cinayət işinin açılmasına icazə verir.
Pərvanə Sultanova
