Bakıda 72 yaşlı kişi evində yanaraq ölüb

Paytaxtda ölümlə nəticələnən yanğın hadisəsi baş verib.

1news.az Fövqəladə Hallar Nazirliyinə (FHN) istinadən xəbər verir ki, Bakı şəhəri, Yasamal rayonunda beşmərtəbəli yaşayış binasının 1-ci mərtəbəsində yanğın baş verib.

Hadisə nəticəsində 2 otaqlı mənzilin 1 otağının yanar konstruksiyaları 15 m2 sahədə yanıb.

Yanğının kəşfiyyatı zamanı ev sahibi 1945-ci il təvəllüdlü Aslanov Əkbər Adil oğlunun cəsədi yanğınsöndürənlər tərəfindən aşkar olunub.

Yanğın saat 07:41-də söndürülüb.

Fərid Ədalət