ABŞ Azərbaycana maliyyə yardımını ləğv edə bilər
ABŞ inkişaf etməkdə olan bir sıra ölkələrə maliyyə yardımını azaltmağı və yaxud tamamilə kəsməyi planlaşdırır.
1news.az-ın məlumatına görə, bu barədə TASS Foreign Policy nəşrinə istinadən yazıb.
Məlumata görə, bu, ABŞ Dövlət Departamentinin 2018-ci il üçün büdcə sənədində nəzərdə tutulub.
Ötən il Dövlət Departamenti xətti ilə Birləşmiş Ştatlar tərəfindən inkişaf etməkdə olan ölkələrə 17 milyon dollara yaxın vəsait ayrılıb. Bu vəsaitin 30,8 faiz azaldılması gözlənilir. Ukraynana ayrılan maliyyə yardımının isə təxminən 70 faiz azaldılması nəzərdə tutulub.
Sənəd layihəsinə görə, Azərbaycan, Qazaxıstan, Türkmənistan, Belarus, həmçinin Kuba kimi ölkələrə Dövlət Departamenti xətti ilə maliyyə yardımı ləğv edilə bilər.
Bundan əlavə, ABŞ Beynəlxalq İnkişaf Agentliyinin ABŞ Dövlət Departamenti ilə birləşdirilməsi planı da layihədə yer alıb.
Pərvanə Sultanova
